dark green nga payong
pula og jacket
itom og karsones
usa ka lalaki
naglakaw palayo kanimo
sa silong sa ulan
didto sa dakong syudad
mihilak ka
sa usa ka lalaki
diha sulod sa imong damgo
kay kini nagpalayo kanimo
wala nimo makita ang iyang nawong
ahh, segurado ko nga dili kadto ako
ako kini,
hikapa ang akong ngabil
init diha sa imong kiliran
walay mga tiil
ang akong mga ngabil
wala kini gahom
sa pagbiya
palayo kanimo
No comments:
Post a Comment