ang pagsalom nato sa kinabuhi

kapila ko na kaha masulat
ang kabahin sa pagsalom sa dagat sa kinabuhi

sulaton ko gihapon kini
alang kanimo igsoon ko

ang pagsalom dili ang kahibalo lamang
kon unsaon pagsalom
dili lang ang edukasyon
ang pag-memorize nianang
technique sa pagsalom,
sa paglangoy

ang pagsalom mao mismo
ang pagsalom nato sa dagat sa kinabuhi
ang paglangoy mao
ang imong paglangoy
nga og kon malumos
ka ikaw ra og dili ako,
dili usab siya

ang pagsalom mao ang
pagkapakapa nato sud sa tiyan sa dagat
ang paghigop sa iyang asgad nga sabaw

ang pag-ingon nga dili diay lalim
ang pagpakabuhi isip tawo

lahi ra ang imong pag-iyak sa imong pagkahimugso
og lahi labaw sa tanan ang imong pag-iyak
sa kamatayon sa usa ka tinood nga gugma.