kon ato jud nga tinod-on ang pasungan

kon ato jud nga tinod-on og imagine ang pasongan
diin natawo si kristo, kanang kumpleto jud
kanang tanang senses ang atong paapilon
mao kini ang mahitabo:

kay pasongan man kaha,
diin didto gigaid ang mg baka, kanding, baboy,kabayo, karnero,
pwes kay malibang man lagi ang mga mananap
despues dagko kaayong tubol sa mga kabayo
og mga baka nga ugdo kaayo morag hairdo
anang ms philippines sa 1969
must be
ang tua didto

og dili lang ugdo
haskang bahoa pa gayod
bahong tae,
bahong ihi,
bahong balahibo sa mga kanding, baka, etc...

og kon atong hunahunaon
walay ligo ang mga shepherds,
siempre lisod ang tubig didtong lugara
apil na si virgin mary og si papa joseph

og kay nanganak man si virgin mary nga walay mananabang
pwes giunsa kaha pagputol ang pusod ni jesus?

ang dugo nga miagas gikan sa bilahan og tagoangkan
ni virgin mary dili ba kaha nga nauga lang sa hangin?

kay walay saktong tubig nga panghugas,
walay palanggana,
walay sabon,
walay tissue paper,
walay lampin walay saktong tubig
wala gani dagway tubig
mismo

dili ba baho kaayo ang dugo nga mauga?
dili ba langto?
dili kaha langawon ang palibot?

daghang langaw, daghang lamok, daghang ok-ok,
daghang mga kuto sa mga kabayo og baka
apil na ang mga kanding didto

baho, hugaw, gilangaw, langto,
mao kana ang pagkatawo ni jesukristo nga atong ginoo

wala siya ma-infected.
milagro? oo, milagro.
milagro gayod.

bisan na lang gani og
dili nato iapil ang pag-abot
sa mga anghel didto

hinoon, atua ang dakong bitoon
nga sarang nindota.