parts,
ayaw pagpalabi anang imong gibati
ayaw og pasulabi og kumkom sa imong mga palad
nga mora ka og boksidor
nga haskang sikata na sa tibook kalibotan
parts,
palihog lang, abrihi pod
kanang imong palad panalagsa,
pagawsa pod ang gamay nga hangin
aron adunay makaginhawa diha sa imong tapad
kay og bout natong hunahunaon
baya, nahisama ra kita sa mga hamog
diha sa dahon sa usa ka rosas
nga sa pipila ka gutlo lamang
nahanaw
kadyot lang gayod kaayo nga usahay
makapangutana ta
tinood ba kahang ania kadto dinhi?
busa parts,
ayaw palabi anang imong gibati
panghatag pod bisan gamay lang god.
No comments:
Post a Comment