Friday, December 26, 2008

kon wala ka sa akong kiliran


kon wala ka sa akong kiliran
sa kaadlawon
akong alugnan ang akong wala nga kamot
akong habol ang akong too nga kamot
sa ibabaw sa akong
pus-on og pusod

hunahunaon ko ikaw

ang akong mga mata
makigsulti sa mga kisame
hubo ako nga makigsandurot sa kangitngit
sa akong
mga kamingaw
og kahaw-ang sa akong kawanangan

sama sa usa ka suga
nga gasera
dili mapalong ang pabilo
sa akong paghandom

kanimo

No comments: