tinood nga ang mga balas
balas lamang og sama sa balas
nga balason
wala kini dakong hinungdan
ngano nga kini hisgotan
og awayan o ilogan
apan kon anaa na ikaw dinha
mihigda, ikaw nga nilalang nga
hinimo sa atong Diyos
ikaw nga mihumol sa imong
kaugalingong lawas
og mihulma didto sa imong
kalag
ang balas dili na balas
ang balas balaanon sa usab
sama kanimo
ikaw nga lawas
ikaw nga usa ka templo
sa usa ka kalag nga maanyag.
No comments:
Post a Comment