bisan pa og manuktok ang mga kamot
sa ulan sa tibook gabii
hangtod sa kabuntagon
dili gayod mahitabo nga
ablihan ko ang akong mga bintana
og pultahan
o iwahing ko ang usa ka giwang
sa akong atop nga nipa
kay ako bisan sa akong kakabos
sama kanimo mahadlok gihapon ako
nga mabasa og mag-antos sa katugnaw
labi na nga ang akong kapikas sa kinabuhi
wala diri sa akong kiliran
No comments:
Post a Comment