ang akong bulawan

ang bulawan malanay
giawat sa tinga ang bulawan
giawat sa plastik ang tinga
giawat sa kandila ang plastik
silang tanan malanay

apan ang bulawan bulawan gayod.
bisan siya malanay sama sa tinga, sa plastik, sa kandila
ang bulawan bulawan lang gayod gihapon
bisan itipon siya sa lapok
bulawan lang gayod gihapon ang akong bulawan

bisan siya sunugon nimo sa kalayo
bisan ilabay nimo kini siya sa ispidno
ang akong bulawan bulawan lang gayod gihapon

bisan og dili ko na kini makita kay imong gitagoan gikan kanako
bisan og imo kining iipon sa mga brilyante og uban pang mahalon
nga mga bato niining kalibotan
ang akong bulawan magpabilin nga akong bulawan

bulawan nga kasingkasing, bulawan nga mga damgo
bulawan nga mga panglantaw, bulawan nga pangagho