gigukod nimo ang kalipay nga sama kanimo kusog usab nga modagan nga
og kon imong hikapon danlog sama sa usa ka isda nga haloan
diha sa sapa sa imong mga luha
gamit sa kwarta gipalit mo ang imong mga kalipay og naanad ka sa gahom sa pinalitay
miabot ang dili nimo madawat nga
adunay kalipay nga dili mapalit nga dili mabayran
ang kalinaw ang gugma ang kaligdong
gipangutana mo kon tagpila ba kay imong bayran?
dili baligya.
ang utang kabubut-on, ang pagpasalamat, ang pagtimbaya, ang pagsabot, ang kahingawa sa pagbuhat og maayo og mapuslanon
imong gipresyohan aron unta mabayran
apan gibalibaran ka kay dili baligya
gikugod mo ang kalipay pinaagi sa mga ligid nianang imong salapi
pakyas ka.
dili ang tanan mabayran
adunay kalipay nga ang sapi walay gahom
kanang ikaw higugmaon sa tinooray
pakyas ang sapi dinha
ayaw gukda ang kalipay kay
mas kusog pa kanang modugan kanimo
paabota lang, pasyensya gamay
kay moabot ra ang panahon nga
siya mismo ang moduol kanimo
sa wala nimo damha anaa na siya sa imong tungod nagpahiyom nangamoyo nga imong hagkan
No comments:
Post a Comment