milingkod sa pula nga sakyanan
didto sa sulod ang usa ka puti nga tawo
abli ang bintana og misulod ang hangin
mikalkag ang iyang buhok nga morag
bungot sa mais nga anagon
kusog ang pag-usab-usab sa talan-awon sa gawas sa sakyanan
nga gipaturatoy og dagan sa iyang driver sumala sa iyang mando
giablihan ang iyang kamot gipakitoykitoy ang iyang mga tudlo
nga banhod aron matambalan sa hangin nga presko
namanhod ang kinabuhi sa usa ka dato nga
wala kabalo kon asa siya karon paingon
No comments:
Post a Comment