kon nasayod pa lang unta si dodong

kon nasayod pa lang unta si dodong nga ang maong ngabil nga haskang pulaha nga mihalok kaniya og iya usab nga gihalokan niadtong gabiing gaulan og haskang bugnawa diin ang iyang ayuyok giayog kulitog sa tumang kamingaw og ang iyang utok giayog patuyok sa ispiritu sa tanduay nga nakapahubog sa iyang kwentada,

kon nasayod pa lang unta siya nga ang maong ngabil maoy mitam-os sa tanan nga anaa sa sulod sa iyang karsones sa kaligdong nga maoy mitila sa tanan niyang kusog og misuyop sa tanang kinaadman sa iyang mga ugat, unod, og bukog

kon nasayod pa lang unta siya nga sa katapusan malugmok ang iyang giatiman nga kapalaran

wala na lang unta siya nagpasopsop sa mga ngabil nianang mga bayot.