ang nasibot ni anselma sa iyang pagpanagat sa iyang kagabhion

ang bana kanhiay ni anselma usa ka dungganon
nga mananagat sa among lugar diri sa Olingan

sa ikaduhang tuig sa ilang kaminyoon
adunay dakong bagyo nga miabot sa iyang kinabuhi

ang iyang bana nga mananagat kalit lang nga nawala
kay sa iyang kagalot nanagat bisag dunay dakong baha

nga miapaw sa usa ka isla didtong lugara
og didto nagsugod ang dakong tanghaga sa kinabuhi ni anselma

nagsalimuang, dili na makapuyo sa iyang balay og
nagpunay og puyo didto sa dagat, kay kuno siya managat

og iyang paningkamot nga masibot niya og balik ang iyang
bana nga nawala sa kalit lamang didto sa lawod sa dagat

usa ka adlaw niana midunggo ang baroto ni anselma sa
daplin sa baybayon og dali dali kining mipauli sa iyang balay

og gikan niadto wala na gayod mibalik sa anselma pagpamokot
didto sa dagat. Mibalik na ang iyang pahiyom, madungog na ang iyang katawa.

Madungog na ang iyang pagkantakanta didto sa daplin sa baybayon.
Sayo na siyang maligo, og dayon magluto sa pamahaw og magsayawsayaw.

Adunay gihipos si Anselma sulod sa iyang lawak. Ang iyang nasibot
sa iyang kinabuhi. Og sama sa uban nga mga biyuda nga wala nagpakamatay

sa ilang mga tagsatagsa ka mga kaguol sa kinabuhi, nasibot ni anselma
ang tambal sa iyang kalaay. Dili ang ilang kalooy, kon dili ang iyang suntoy.

Oo, ang nasibot ni Anselma sa dagat, mao ang usa usab ka lalaki sa iyang damgo.
Lalaki ang gikuha kaniya sa dagat, og para kaniya lalaki usab ang bayad niini.