ANG UPAT KA MGA BAKI SA IBABAW SA TABLON NGA GALUTAWLUTAW SA SUBA

Sa ibabaw sa usa ka tablon nga kahoy nga naglutawlutaw sa suba nagsakay kining upat ka mga baki. Giganahay silag sakaysakay

Miingon ang usa: Nindot ning kahoya, sirit kayo ang lutaw. Morag buhi.

Ang ikaduha: kaw pod, mora ra god pod ni sa ubang mga kahoy diha. Wala ni siyay kinabuhi. Ang suba maoy naglihok mao nga misibog usab ang kahoy nunot sa sulog nga gikan sa suba.

Ang ikatulo: Dili oi. Ang atong hunahuna ang nagpasibog sa kahoy og suba. Og wala tay hunahuna, walay mosibog.

Naglalis ang tulo ka mga baki. Lainlain man god ang ilang pagtoo.Miinit ang ilang ergo. Dili magkasinabot. Gipangutana nila ang ikaupat nga baki, nga ganiha rang nagpakahilom og namati kanila.

Og mitubag ang ikaupat nga baki: sakto mong tanan. Ang pagdagan sa kahoy dala usab sa tubig sa suba kuyog pod ang hunahuna. Silang tanan maoy nagpalutaw, nagpaanod, nagpadagan sa kahoy.

Og nangasuko baya ang tulo ka baki, kay walay usa kanila modawat nga usa kanila dili sakto og silang tanan nangasayop. Gusto god nila nga usa lang gyod kanila ang husto og ang uban sayop. Nga ang iyang kamatooran mao ra ang iya og dili apil ang uban pa.

Nahitabo ang dili katoohan. Naghiusa ang tulo ka mga baki nga kaganiha nanggilalis

Sa pagtulod sa ikaupat nga baki aron kini mahulog sa tablon nga ilang gisakyan paingon sa dakong sulog sa suba aron kini malumos og mamatay.

(hubad sa sugilanon ni Khalil Gibran)