maayong pasko kanimo akong mga bisita

maayong pasko kanimo og kaninyo nga miduaw kanako dinhi niining lugara.
aniay budbod sa Tanjay nga nagakalatkat sa balombong
isip meta4 sa atong pilit kaayo nga balatian
sa atong panaghigala

aniay espeso kaayo nga sekwate
gikan sa akong mga kakaw
nga anaa lang sa tugkaran sa among balay
meta4 kana gihapon sa kapait-sagol-sa-katam-is
sa atong panagtagdanay

sa tunga sa akong talad-kan-ana
anaa ang lechon de letse gasinaw ang simod nga gatangag sa usa ka pula kaayo nga mansanas
meta4 kana sa atong kalipay
nga atong pagahiwahiwaon karong adlawa

ang kalami sa unod sa kilid sa iyang tiyan
og ang ka-crunchy sa panit sa liog og sa iyang balikkawang

anaa ang humot kaayo nga jasmine rice
nga mobayaw kanato sa pito ka lawod sa langit
meta4 gihapon kana sa atong pagaadtoan nga himaya

og andam na ang akong gitagoan
mao kining usa ka botelya sa chivas regal
imnon na kini kuyog sa mga babaye
sa atong kinabuhi ang akong asawa

og ang imo usab nga pinalangga
maasawa man o makerida

maglipay kita,
magsadya kay ania na natawo
na ang atong Messiah.