pagpanghuyab

mihanap ang mga letra
nakaon ang mga pulong
dili na maagwanta ang
kalalom sa kagabhion

wala na ang mga gangis
wala na ang mga langgam
nanawag na ang mga ugnan
og ang katre morag hapit
na nga manglood

nangatulog na
ang mga suga sa kwarto
og kusina

ang mga mata niining balaya
nanirado na

hmm, nanghuyab na ako
nanilip na kanako
ang nawong sa katologon

hayyyyyyyyyyyyyyyyyyy!
nagpaabot na sa akong habol
ang mga damgo nga
makigdulog na usab kanako.