ang pagpangita sa kalipay sumala sa usa ka basurero

og miingon ang basurero
ang pagpangita sa kalipay simple ra kaayo
ilabay ang mga maot
hiposa ang mga lami

sagopa ang mga biniyaan
og buhia sila

pangitaa ang mga angayang
hiposon og amomaha sila
sama sa sila ang mga
diyos nga labaw pa
kanimo

silbihi sila
ang mga kabayo nga wala nay ganahan mosakay kay mga piang
ang mga iro nga gipalayas kay maot ang mga balahibo og barog
ang mga unggoy nga wala nay kapoy-an kay gisunog ang kagulangan
ang mga kabaw nga ihawonon og angayan na nga itugway sa bugnaw nga mga tunaan

ang pagpangita sa kalipay imo lang makit-an
diha sa imong gikaatobang nga imong gitabangan
pakigsulti kaniya, pangutan-a kon unsaon mo siya paglipay.