ang kerida ni senyor cabron

si flerida ang kerida ni nyor cabron
didto sa hacienda calderon

(hello, pwede ikaw sumpay
aning akong balak,
kay mamahaw sa ko?

ok na
ipadayon na nako)

Mao kini ang estorya:

Si Flerida usa ka dalagita nga nanimpalad intawon sa syudad
sa cagayan de oro.
Si Nyor Cabron (56) huwes didto, gamingaw kay bulag sa iyang asawa
nga doktora didto sa Manila. Duna silay duha ka mga anak.
Pareho sila nga namilite og balay. Atbang. Gaatbang ang ilang mga kamingaw, og kay gaatbang man, adunay panahon nga magtagbo
ang ilang mga panan-aw.

Usa ka gabii niana, pareho silag gitambongan nga party sa ilang
silingan.Nagkaila sila sa ilang pangalan. Nagkatapad sila. Mikuhit
ang sapatos ni Cabron sa step-in ni Flerida.
Wala damha, bisan sa kamubo sa panahon
Nagkasinabot sila sa usa ka taas nga sugilanon.

Pila may estorya (kabalo ko nga busy ka) nag "knock knock who's there"
si Cabron sa kwarto ni Flerida, og nag " i am here waiting for you" si
Flerida og dunay nahitabo nga nakapa "Thank you for the nice evening" ni Cabron nga karon nagpunay naghinuktok sa kahinam sa umaabot pang mga gabii sa kwarto ni Flerida
og sa kwarto na usab ni Cabron.

Nagdula sila sa kalayo.
Ayaw sa paghisgot og sunog kay moabot ra ko dihang dapita.

Si Flerida usab dili papiri sa iyang kabatan-on. Nagkinahanglan siya
sa usa ka Cabron nga moluwas sa iyang kahimtang. Gusto siya nga
moeskwela apan wala siya'y pangtuition. Gusto siya nga makagawas sa
kalisod og ang iyang nakita si Cabron isip iyang pultahan, barko, submarino, og dili ba kaha jetplane nga Buing 707.

Gi-memorize ni Flerida ang lawas ni Cabron. Gihalokan ang iyang ulat
nga morag alibangbang sa kilid sa iyang gabitay nga itlog. Gitam-osan niya ang katub-han. Gihimoan niyag ulat ang iyang pus-on, hulma sa
iyang pula kaayo nga ngabil. Nakaiyak ang huwes sa tumang kalipay.
Wala kini mahatag sa iyang asawa masukad, nga sa iyang kadoktora
nag-observe gayod anang proper hygeine.Dili kamaong mosupa.

Duha ang ulat sa lawas ni Cabron. Ang alibangbang og ang ngabil.
Courtesy of Flerida.

Nasunog si Cabron sa kaulag. Midako ang ulbo sa kalayo. Og ikaw nakahibalo nga kon dunay kalayo, aduna usay aso.

Nasimhotan ang aso sa laing aso didto sa Manila. Aso nga smoke og aso
nga iro. Ang mga iro ni Cabron mipaghot. Nasuko ang doktora og ang iyang mga anak, dili katoo nga ang ilang amahan nga halangdon sa kaligdong, nasunog na sa kalayo, nga walay mga bombero nga makatabang. Wala nay tubig nga sarang makapalong.

Kon dunay kalayo, aduna ang gubot.

Naglikay na si Cabron sa mga tam-os ni Flerida. Og si Flerida mibalak:

"Heaven has no rage like love to hatred turned
Nor hell a fury like a woman scorned."

Nag-wild si Flerida. Naputol ang sustento sa iyang load sa Smart.
Giatangan ang kotse ni Cabron og iyang gibuak ang side mirror
pinaagi sa paglabay sa dako kaayong bato sa iyang dili masukod nga kalagot.

Naeskandalo si Doktora. Apan kay ang bana, bana man jud lagi,
Nag-support group ang family.

Gikiha si Flerida og Malicious Mischief, og si Flerida usab mibalos
og sumbong og Abuse Against Women.

Napalong ang sunog. Ang naabo si Halangdong Cabron nga karon found:

GUILTY of IMMORALITY for which he is meted the penalty of SUSPENSION for six months without salary and other benefits, with a STERN WARNING that a repetition of the same or similar acts in the future shall be dealt with more severely.

Og ang Korte Suprema mipahimangno kaniya:

“A magistrate is judged not only by his official acts but also by his private morals, to the extent that such private morals are externalized. He should not only possess proficiency in law but should likewise possess moral integrity for the people look up to him as a virtuous and upright man.”( Eva v. Dan, A.M. RTJ-07-2092, Dec. 8, 2008)

Si Flerida mibalhin og puyo. Nagtago. Miiyak.Mitunglo sa mga bulan og mga bitoon.Miisa sa iyang mga kamot og misyagit

" There will be a time for retaliation!"

Karon sa kangitngit makita mo siya sa sip-ot kaayo nga agianan
Nangita sa iyang bag-ong pang-oson, ang iyang bag-ong biktimahon.
Ang mga nagmingaw. Ang mga gilaay sa kaloyloy sa kinabuhi og sa kapildihon sa usa ka de la Hoya nga giayog lagubo sa usa ka
Pacquiaoooooooooo.

"The time is out of joint. O cursed spite
That ever I was born to set it right!"

Mao kini ang akong nalimtan nga lami unta nga i-ending.
Ok, lang.