oo akong dawaton nga dili kana ako
mao lamang kana ang akong larawan
nga iyang gikuha
aron iyang himoong ebidensya
batok kanako
ang iyang pahiyom sukwahi
sa mga kamatooran
ang iyang mga mata, dalunggan, buhok, ilong, ngabil, mga kilay
ang tanan nga anaa dinha
supak sa mga laraw
sa iyang kalag
mora siya og usa ka sapa nga
nagmalinawon
ang iyang pagtutok kanimo
morag usa ka
adlaw nga mainitong
midan-ag sa imong
kabuntagon
apan dili kana ang matood
og unsa ang tinood
ako lang ang nasayod.
No comments:
Post a Comment