my pren

hangyo sa usa ka probinsyano sa iyang pren sa chicago

my pren gimingaw na ko nimo my pren
musta na ka diha karong pasko?
sa chicago my pren bugnaw man kuno kaayo diha my pren
taga liog ba ang snow?
maayo unta og dili lang my pren kay moanha unta ko diha my pren
og dayon magduyanduyan tang duha my pren
duha ta ka bear
mag-hugs ta
tapad tang duha my pren
aron close ta kaayong duha my pren

pwede pa kaha my pren?

tubag sa iyang pren nga nangamaw pa bisan og pasko, double job:

my pren ayaw lang sa
kay haskang bugnawa dire my pren
frozen delights ko karon
morag vanilla ice cream
akong kumagko gahapon my pren
nahimong ice drop
akong dalunggan my pren
na-frost, akong gi-de-frost kadyot
haskang paita diri my pren
mas paet pas panyawan my pren
ang kabugnaw labaw pa
sa napulo ka freezer
kanang imong duyan my pren
hiposa lang sa
kanang pisi itagkos lang sa
sa lubi diha
kay basin mahimong tagkos
na sa imong liog
diri my pren

paet, jud my pren
mangita og kwarte nga green

my pren
paet diri sa amen

maajong pasko na lang diha my pren
padalhan ra taka og bolpen