wala nakalakaw ang buntag paingon sa dalan sa katin-awan
kay ang akong kagabhion
mipungko naghinuktok nangagho nagbasol
mitutok sa kawanangan og dayon og kuha sa iyang papel og lapis nagsumada sa iyang kangitngit
og miingon nga ganse kaayo siya sa milabay nga kahayag sa iyang mga bisitang mga bitoon
wala mangihat
mga walay utang kabubut-on
og ang bulan nga unta lingin man kaayo
wala gayod mangilabot
ang tubig sa dakong suba
ang nanghuy-ab
kay gikapoy og lantaw sa usa ka magtiayon
nga kagahapon pang naghinawiray sa ilang mga kamot
nga mga kunot
mga kusmot nga nagpunay og unot
mga wala nay angay
kay ang ilang gugma dugay nang gipuy-an sa mga anay.
No comments:
Post a Comment