mY secreT ponD

moabot and usa ka adlaw nga
mahibaw-an nimo ang angay nimong buhaton
diha ka magsugod

nabati mo ang ilang mga tingog
ang ilang mga tambag og miuyog ang imong lawas
og nasamdan ang imong mga tiil og
nalukat ang imong mga kubal og
nagusbat ang imong dughan og
nagisi ang imong mga panit og

ikaw misyagit: tapaki ang akong mga gisi
hapsaya ang akong mga gusbat

walay miduaw kanimo walay naghatod og
tambal og
mga bugnaw nga dahon aron ka maayo og
mga liso nga imong itanom diha sa imong tugkaran

wala ka mohunong.
bisan sa imong hunahuna ulahi na
mipadayon ka paglakat
pagpangita sa mga ganghaan

nagpadayon ka pogsubay sa dalan
bisan puno na kini sa mga dahon
nga nangatagak
sa mga sanga nga nangabali
nga gani nagsugod na og pangadugta
tapad sa daghang
mga bato nga
nagkatag

sa hinay hinay gibiyaan mo ang maong lugar og
sa layo ka na
dili mo na mabati ang ilang mga tingog
nagsugod og
panggawas ang mga bitoon sa mga itom nga mga panganod og
ikaw nagsugod og
sulti sa imong mga pulong gikan sa imong kasing-kasing

namati ka sa imong kaugalingon
nabati mo na ang imong kaugalingong tingog
nangumpisal nga niining kalibotana
ikaw lang ang makatabang sa imong kaugalingon
nga ikaw lang ang makaluwas niini

nabati mo ang imong tingog
nadungog mo ang imong pagkaikaw sud sa dugay nga panahon
nga nanglabay
karon pa nimo nakita ang imong tinood nga nawong
nga dugay nilang gikawat
kanimo
og karon imo ra gayod
nga nata-od sa imong
liog.