ang pagsunod

dugay ko nga nakaamgo nga ang pagsunod diay
dili baya ang pagpaulipon
sama sa akong pagkagamayng bata kaniadto
diin ganahan ko nga maghubo sa akong tsinelas
og kamisin og
hawid sa sanga sa bayabas

taas ang akong buhok og
maoy akong naandan ang pagsunod sa mga tunob
sa akong amahan
subay sa kilid sa among basakan
tapad sa dakong punuan sa narra
diin misidlak ang adlaw gikan sa kabungturan
sa sayong kabuntagon

og si tatay mag-una dala ang iyang sundang,
sul-ob ang iyang kalo nga anahaw,
lulho ang iyang karsones og taas
og bukton ang iyang sul-ubon.

Sa kagagmay sa akong mga tiil,
pirmi akong magduko sul-ot
ang akong mga tunob
sa iyang tunob.

si tatay wala gayoy gikasulti
batok kanako.
Nakita ko ang iyang pahiyom
dihang siya mipanaw.

Nakita ko pag-usab ang larawan
sa among panagkita.
wala ang kasubo.
wala ang pag-inusara.
Taas ang among panglantaw.
Nagyukbo kami sa among mga kaagi,
dili namo gustong papason
ang among mga tunob
didto sa basakan.

Dakong tunob gisundan kanunay
sa gagmay nga tunob
sa usa ka bata nga
malipayon.

salamat Tay. daghang salamat.