malisyoso nga balak

ang mga pangpang og mga dagkong bato sa daplin sa baybayon
ang mga lalaki og

ang mga balod nga nagpunay og hapohap sa mga pangpang og mga batong dagko sa daplin sa baybayon
mao ang mga babaye

nagpautog ang mga bato
nagpunay og tila ang mga dila sa mga balod
og sa tumang kalami sa ilang kalipay nga gisaluhan

dayon og siplit ang kahayag sa adlaw
og didto sa tunga sa buho sa pangpang
midagayday ang ulan
gikan sa usa ka lubog kaayo nga panganod

nagtabisay ang laway sa usa ka layag
sa usa ka sakayan nga kaganiha pang
napalutaw-lutaw sa dughan sa baybayon
kay diay nagpunay og
pasiplat sa tumang kasina og kaibog