ang imong kamot
ako kanang panganod
ang imong usa ka bulak
ako kanang adlaw
adunay gamayng tubig
nga akong igong ikapanglad-ok
adunay gamayng yuta
nga morag kumkom sa akong palad
igo na kaayo kana kanako
sa akong pagpakabuhi
og ang baso nga imong gibutangan
nga adunay lubot og baba
hingpit na kana alang kanako
mao kana ang larawan sa
akong gamay nga kalibotan
adunay gamay nga kahayag
naglamdag kanato
ug nagpabilin sa hamubong
panahon lamang
sayod kitang tanan
kon dis-a kana gikan
og kinsa kana Siya
nga nagpahulam niana
nindot, yano
apan lalom og tulikibon
mao unta gayod kana
kitang tanan
No comments:
Post a Comment