duna na daan ang kaibog didto sa sulod,
akong gitipigan,
akong gitan-ogan
sa dugay na kaayong panahon
nakahinumdum ko atong first time
mas kusog ang kuba sa akong dughan
og ako morag gisuyop diha paingon kanimo
wala na nako mahawiri ang akong mga kamot
nga mihawid sa imong mga kamot
nga midakin-as paingon didto
sa imong hawak
og paa
og dayon misulod
sa ilalom sa imong saya
og bra
hangtod na sa
usa ka lawak
nga wala pa gyod
nako sugod
makita og mahikap
akong gisudlan.
nagdilaab ang
akong mga ngabil
morag gustong magdaob
diha sa sulod sa
imong baba
wala nako palonga.
nadala ako sa usa ka sulog
sa usa ka nagbaha nga pagbati.
naanod ako.
wala nako pug-ngi.
dayon nakapiyong ako
sa tumang kalami og
kaanindot sa akong
nakita.
dunay nangisog
wala nako gihapon pug-ngi
nagwara-wara diha
sa imong mga paa
nangita og kasudlan.
kusog na kaayo ang sulog
og dayon nabati ko
ang pagbugha
ang akong mga pag-atsa
og dayon dunay mibuto
nga kahilom
sud sa akong lawas
dapit didto sa ubos
sa akong pus-on
pakyas ako sa pagpugong.
nahinaykan
na nako ang tanan.
wala akoy pagbasol
kay para kanako
kon unsa ang kalami og
kaanindot didto
didto usab
ang kamatooran
nga akong
giyukboan.
mibuhagay ako
og ikaw namuswak
mora ka og bulak
nga mihalog sa usa ka nindot kaayo
nga pagsilang sa usa ka adlaw
sa kilid sa imong aping
og ako napusgay
sa usa ka pagpakahilom
nagpaabot kon kanus-a
na usab sugdan
ug usban pa gayod
ang
atong first time.
No comments:
Post a Comment