usa ka amahan sa lungsod
og sa panimalay
siya ang ilang giila nga gamhanan
dinhing dapita
gidungog nga ang iyang pulong
mao ang balaod
og ang iyang mga sugo
sundon gayod dayon
kay og dili kini nagtimailhan
sa usa ka hinanaling kamatayon
ang wala lang nila hisayri
nga siya usa lang diay
ka leon nga panapton
gitapaktapak
gitahi gikan sa mga tabas
sa mga gamhanan
usab nga mga sastre sa taas pa kaniya
naporma ang iyang mga balahibo
og mga tiil og ang iyang mga bangkil
og ang iyang mga kuko nga mangawras
diha kanimo
leon nga panapton
kon moatubang kanimo kahadlokan
sa iya kunohay nga kabangis
apan kon moatubang na gani kanila
nga nag-amot-amot kaniya
nga nagtapak kaniya
diha sa iyang pwesto
siya usab mahadlokon
kay unyag moabot
ang panahon nga siya
yano lang nga ilang
pagalangkaton
No comments:
Post a Comment