bulak sa dagat nahulog sa sanga
sa usa ka dako og labong kaayong kahoy
daplin sa baybayon
sa kilid sa usa ka langob
nga tig-a nga bato
nakita ko siya nga nagpatihulog
sa sayo sa kaadlawon
nag-inusara sa iyang kahumot
og kaputi
kaanindot
kahumot
kahumot sa iyang mga puyos
nangalarag sa tungod sa akong tiilan
akong gitutukan
sa tumang pagdayeg
apan wala nako hikapa
mibiya ako
nagbilin sa akong mga tunob
diha sa iyang atubangan
lisod baya ang paghikalimot
sa iyang kaputi
sa iyang kahumot
sa iyang kaanyag
No comments:
Post a Comment