lakat pagsangyaw pagtudlo pahulay una sa balak
kay ako usab
mosaka sa akong gamay nga trono, mag-itom,
maniid, mamati, manaway, magpakahilom
ania na ako sa akong kagabhion layo sa akong
mga balak
dili na nako mahiwiran ang akong gihigugma
og gikaulagan
ang akong gidamgo lahi sa akong gibuhat
ang akong gipanamkon lahi sa akong iaanak
lahi ang akong gikaon sa akong gilantaw
gamay ang akong mata dako ang akong tiyan
lapad ang akong lapalapa kaysa akong sapatos
ania ako niining tungatunga sa akong kagabhion
namanday, nanukdok sa akong martilyo nga kahoy.
maghisgot sa kamatooran, panitan ang mga bakak
dayong lista sa ngalan kon kinsa ang angayan
nga ibitay.
kon nasayop man ako, pasayloa, gihimo ko lang
ang angay nga himoon
sud sa koral sa akong pangwenta.
No comments:
Post a Comment