ang akong kataposang nadungog
nagpabukid diay kuno ka
dili ingon nga nagNPA o
DPA, pero morag maingon-ingon
nga nagrebelde, miundang ka og sulat
dili ka na makontak, imong gipatay
ang imong cellfon,
(walay ipalit og load?)
nagpuyo ka nga ikaw ra
usa ra, og ang imong mga silingan
wala kaila nimo, lisog ka pangitaon,
nagtigom ka ba
og daghan kaayo nga fiction?
para ugma puhon
nagpaabot ka sa imong
bitoon? o adlaw nga mosilang
nga para nimo lang
anang buntag kanang
wala pa sila mangihi
nindot ang imong drama
sus oi, gikan na ko diha.
No comments:
Post a Comment