kanang imong paglakaw
nga walay pananghid
kanang paglamba nimo
sa pultahan nga morag
mangapulpog ang bisagra
kanang imong mga tunod
nga morag nakastrike sa
dula sa bowling
kanang imong pagpunay og
mug-ot og pagpabug-at
sa imong apapangig
sa tibook adlaw samtang
ako hapit na magul-i sa akong
pagpanulat og mga balak,
hay, dili ka na gayod maambat!
opps, nagawsan na ko.
sige, mag-estorya na ta.
mamati ko sa imong sumbong
batok kanako gikan sa sinugdanan
hangtod sa kataposan.
mamati na ako , ania.
No comments:
Post a Comment