suso

usa ka adlaw sa uma ni papa

kasabot ko
nga bisag hinay
ang suso
moabot lang
gihapon sa
iyang adtoan

sa ikaduha ka hugna,
sa laing bahin, lain poy ato
hinigugma ko nga hangtod
karon wala pa miabot

pila na ba katuig akong nagpaabot nimo?

bisan sa pipila

pa ka tuig tungod

kay gihigugma
ta ka
paaboton ko
ikaw gihapon

sa katapusang pagyubit

kuyog sa
akong ikatulo
nga asawa
og usa ka dosena
nga mga anak
og bente kwatro
ka mga apo
og pito ka apo
nako sa tuhod

tungod kay gihigugma ta ka
paaboton ko ikaw gihapon
hangtod sa pagkaibot
sa akong kinataposang bag-ang
hangtod sa kinatumyan
sa akong halhag og puti nga kaayo
nga mga bungot og bolbol

ang akong panamilit kanimo

jawaa ka! wa ka kamatay! wa ka kadugta!
jawaa ka! dis-a ka man? nganong wa ka man mopauli?
nganong wa ka man motunga sa atong kasal?