sipyat ang mga bulak
kon manirado sila sa ilang mga gihay
pag-abot sa kagabhion
kay sa kalibotan sa mga lamian
ang kagabhion baya
maoy pagpangabre sa mga kasingkasing nga nagmingaw,
mga dughan nga haw-ang
sa mga bulsa sa karsones
ang pagkagisi sa mga sidsid
anang mga pang-ilalom,
anang mga tabon-tabon
sipyat ang mga bulak
nga nanirado sa ilang mga gihay
sa ilang pangindahay
di nila mahikap
ang mga pungpong nga kalipay
No comments:
Post a Comment