sa sud sa sinehan

usa lang ka lingkoranan
ang atong lingkoran
ibabaw ka kanako og
imong gihawiran ang
akong nawong og akong
gisalod ang imong laway
nga nagtubod sud sa akong
baba og ang imong dila
haskang lihoka nga morag
bata nga nagdulag shatong
sa akong alingagngag

gidat-ugan nimo ang akong
alho og imong gipaagas ang
imong mga tuno gikan sa
imong duha ka lubi sa
ibabaw sa imong pusod.

mipiyong kos akong mga
mata aron makita ang mga
aktor og aktres ning atong
sinesine, halok nga gapasad
gakos nga hugot pas likos
sa sawa sa alburquerque
tanday sa dagkong balod
paak sa mansanas
tam-os sa dakong liso
sa santol, usap sa lagom
nga tubo, hikap sa mga
bongbong og dingding
sa mga rehas sa kilid
sa akong lawas.........

mao kana ang nahitabo
sud sa sinehan og ang akong
nahibaw-an mao lamang
ang taytol sa pelikula kay
di jud ko kahinumdom sa
estorya, hay! kalami ba
kining manan-aw tag sine
nga bisan og duha ang gilukat
nga tiket, usa man lang ang
lingkoran, og basa pa gyod.