awit sa usa ka piano

ako ang imong piano
siempre kon imo akong gamiton
imo una akong huboan nianing akong mga tabon

molingkod ka tupad kanako
ablihon mo ang tabon sa akong tiyan
og imong idapion ang imong tiil sa akong tiilan
og dayon pinaagi sa imong mga tudlo imo akong kitikon
og sa kagilok mopahiyom ko, mokatawa, og kay imo mang gipunay og padagan ang imong napulo ka mga tudlo
sa akong mga yabehanan sa akong dughan
mobuhakhak ako sa mga nota, sa mga awit sa atong gugma:

do, do, mi,
ti, ti, mi, so, so, mi

ti, la, mi, so, so, mi
so, fa, mi, so, so, fa, mi

ti, ti, mi, ti, ti, mi, so, fa, mi
mi, mi, mi, so, so, so, so, fa, mi, mi

do, re, mi, do, re, mi, so, fa, mi, ti, ti, mi


pagkananam gayod sa imong mga tudlo
nga mokitik diri kanako