mY secreT ponD

walay nagsugo kanimo nga buhaton mo kini
ang pagpamilo sa mga habol
og ang pagyabyab
sa mga ponda og alugnan
ang pagbugaw sa mga abog
ang pag-abre sa mga bintana
og pultahan
og ang pagnaog sa hagdan
paingon sa hardin
sa mga bulak og ang
pagpasilong sa dako kaayong
punoan sa lumboy
og ang paglingkod
sa usa ka bato
aron ka lang maghinuktok
sa sayong kabuntagon

walay nagsugo kanimo
sa pagtutok sa adlaw
diha sa tunga sa duha
ka mga bungtod
sa imong atubangan

og sa imong pagkabuta
tungod sa kusog kaayong bugwak
sa kahayag nga wala
maantos sa imong mga mata

ikaw lang gayod ang mabasol.

karon miingon ka nga
daghang salamat kay kuno
nakita mo na ang tanan

ang tanan tanan gayod.