sa party sa usa ka bata nga upat pay edad

iyang gikalot ang balon
morag kawras sa iring

ang akong
panit napiit

sa iyang tingog
mikulo ang akong

tilaok og wala
ako katingog

spaghetti nga
bitok

pipila lang ka
litok mga

limatok
nagpaigot nagtapok

nanagan ang
mga tingog

sa mga bata
paingon kanako

og ila kong
gisura sura

papa papa
papa papa

gisagpa ko
sa daotang

hangin didto
sa birthday party sa

anak sa akong
best friend

hapit ko
malipong

mitapad ko
sa bagang katawhan

dakong cake
upat ka kandila

usa ka batang
dili kamao motayhop

nakapaunlod
sa akong hagip-ot
na kaayong
kalibotan

ang akong mga pangandoy
nagtikongkong nalumoy

misandurot ang akong
mga bakak
nagpaila sa
iyang daghan
kaayong mga
ngalan

naunlod ang
akong kalibotan

miiyak ang
mga kasina

ngano? ngano?
unsa bang mga itlog

ang kinahanglan
aron mahimong
usa ka bata?

nanangpit og
tabang ang iyang
mga kamot
nga nalumos
sa iyang
kahigwaos.


nangita og tubag
ang iyang mga
pangutana

ngano? ngano ba?
unsa bay hinungdan

nganong ang bata
dili man masulod
sa iyang tiyan.

sa wala pa
mokanta ang edad
sa bata og hapi birtdi
miuli siya
gustong moinom
og tubig sa grasya.