sa paghigop og sabaw nga init pa kaayo

nag-atubang kita niining talad-kan-anan

ikaw og ako

ikaw hapsay kaayong tan-awon
wala nanghubag ang imong mga mata
sakto ang pagbutang sa imong duha ka kilay
gipatong ang imong duha ka kamot
sa usa ka limpyo nga lamesa
anaa ang tasa
ibabaw sa platito
anaa ang kutsarita

ako ang nagtan-aw pag-ayo kanimo
apan wala ka na matingala niini
kagabii nagkaestoryahay na kita kabahin
kanato
ako ang nagpatong sa tasa diha sa imong platito
ang nagbutang tapad sa kutsarita diha
sa imong mga kamot

sa atong taliwala diha gibutang ang dakong yahong
sa nilat-an nga mga bukog sa baka
init pa kaayo ang sabaw
og adunay dako kaayo nga luwag aron sugdan
na nato ang pagkalos sa sabaw nga atong higopon

gikuha ko ang pechay og akong gisugdan ang tanan
giputol putol sa kutsarita
giusap sa hinay hinay sa akong puti nga ngipon

gitagaan ka nako sa sabaw
wala kay pasalamat
wala na kitay tingog-tingog karon

ang atong kasabotan mao lamang ang pagpakahilom
og ang pagamit sa karaan na kaayo nga pahiyom.