sa balcony

usual nga balcony adunay mga rehas nga puthaw
sa ibabaw sa bongbong nga sementado
adunay mga climbing vines
mga dahon nga lunhaw og tambok nga nagkamang
paingon sa usa ka pultahan nga arko

ma-imagine mo ang usa ka juliet nga nagpaabot sa iyang romeo
grabe ang imong imagination
morag true

apan sa tinood lang ikaw nga anaa sa yuta nga nagyatak
sa mga bato nga mihangad paingon nianang balcony
nangandoy nga unta motunob lang didto sa taas
aron makumpleto na ang imong kinabuhi

kay sayod ka nga ikaw nga usa ka pobreng alindanaw
wala gayoy gahom nga makatukod
og sama niining balcony

habog, lig-on, og angay lamang sa mga dato
dinhi sa atong lungsod.