ang mga kahayag duna diay tinagoang kolor sa kagabhion
mga pula nga nagkurogkurog
mga berde nga nagpahipi
mga asul nga nagbarog
mga bulawan nga nagilak aron unta imong kaibgan
nanglihok ang kahayag sa tunga sa kangitngit sa kagabhion
miduyog ang kusog kaayo nga banda,
ang trumpeta, ang mga electric nga gitara
ang mga kalayo nga nanayaw
ang mga anino nga naglumpat-lumpat sa kalami
sa panghitabo dinhing dapita
dunay mikirig,
lain ang mikaringking
dunay mikariling
dunay nagsabot nga magkita sa usa ka lawak
diin silang duha lamang ang maglumpong-lumpong
magpyong-pyang
dunay nagpiyong sa kasakit kay gibiyaan
og ang uban naglantaw nga walay gibuhat
gawas lamang sa pag-uyog og
pagpahapla sa ilang abaga
paglabyog sa ilang mga tiil og dayon og tikang og biya
kay dili ganahang moapil
sa pagtuyok sa kalibotan
No comments:
Post a Comment