karon

yano lang ang sulbad
aning tanan tang gibati

ang karon lang
ang karon lang gayod ang tinood

ang kagahapon wala na
morag ice nga natunaw
ayaw gudka kay
mahimo kang kataw-anan

gukod sa tubig, unsa ka
baroto?

sahay morag carbon dioxide nga nagsublimate
midiretso sa kalag
wala na miagi sa pagtunaw sa iyang lawas

highly spiritual ang dating.

ayaw pagtan-aw sa kagahapon
kay makalilong
mora kag naas tore ni david
mora kag suyupon sa hangin paingon sa
salog sa kalibotan

ayaw pod og palabi og tan-aw sa kaugmaon
kay layo pa kaayo kana
morag anino sa bungtod sa udtong tutok
morag mga tubig sa silong sa init kaayo nga adlaw
nagbalod-balod ang mga larawan
og makalibog kon kini tinood ba

ang karon maoy hagki
gakson, tandayan,
kay ang karon lamang maoy tinood kanatong duha
diha sa kangitngit
didto sa kaadlawon
sa ilang gitawag nga jer-jer island

sa likod sa usa ka labong kaayo nga kahoy
og tugsoy kaayo nga mga punoan sa mga lubi nga wala na mamunga
kay ang iyang mga udlot gipunayan og abis
sa mga lalaki nga siging gakayat kanila

didto kita sa langob diin kita lang duha
midap-iog ka sa bongbong nga bato
og ako mihalok kanimo
gipiyong ko ang akong mga mata
og wala na akoy nakita pa
kon dili ang ako na lamang nga gibati

ang kalami sa french kiss
ang pagbukaka sa imong mga paa aron ako imong sipitan
ang atong karon nga init
diha sa tago.

mibuka ang mga panganod
mibuhagay ang kahayag sa adlaw sa sayong kabuntagon
luya ang atong mga panglantaw
gusto pang manirado ang atong mga pilok apan

na-short ta sa atong
mga projections: longer nights, shorter days

and lots and lots of kisses
nakulangan ang darkness

panuway... asa na akong brief?
palihug lang ayaw ko ug bakaki.