ikaw og siya

kulongon ang imong buhok
ug namugnaw ka sa imong panahon
sa kamingaw

gitakbo mo ang imong kalag
nga pula
upaw og budlat ang iyang mata
puti ang iyang kalimutaw

gidapion mo ang imong tuo nga
kamot sa iyang dughan
gihikap mo ang iyang kasing-kasing

gibulag kamo sa usa ka labat
nga alambre nga bisan sa
kagamhanan sa usa ka ispiritu
inyong gipatigbabaw
ang kamahinungdanon
sa usa ka panagbulag

kay ikaw aduna pay daghan
nga buhaton
sulod sa imong sweatshirt
sayod ang imong kalag
nga pula usab ang imong
kasing-kasing

mas pula pa sa iyang mga
pamanit
mas pula pa sa iyang mga
mata nga
nagdilaab dili sa tumang
kasuko
kon dili sa dako kaayo
nga gugma