"kon makita ko na gani
ang berde nga baroto
nga tugsoy kaayo ang
iyang tumoy nga morag
ilong sa amerikano
kon makita ko na gani
ang iyang mga katig
mga morag duha ka
mga kamot nga andam
nang mohawid og
mosubay sa dughan
sa akong dagat
mahinumduman ko
na dayon ikaw og
dayon akong mabatian
ang imong mga
hunghong sa kilid sa
akong mga dunggan
og dayon
nakog pahiyom
nga mag-inusara
gigkanon lang gyod
seguro ko kaayo
kon berde na nga
sakayan ang atong hisgotan"
No comments:
Post a Comment