ang mga bukton ni tatay mao ang duyan sa akong pagkatawo
bisan sa kangitngit og kadulom sa among ugma
hayag kaayo ang iyang nawong nga naglantaw kanako
samtang ako nahikatulog sa iyang mga oyayi
ang mga bukton ni tatay mao ang akong balayan
sa akong pagkaako
wala ako malisang sa mga anino
wala ako mahadlok sa mga wakwak
nga nanulod sa mga lawak sa akong mga damgo
wala ako makurat sa mga bahad sa mga kwaknit og bitin
lig-on ang akong mga panglantaw
sama sa mga bukton ni tatay
bus-ok ang iyang dughan
sama sa akong paghigugma kanimo
No comments:
Post a Comment