ang mga bata

ang mga layaw nga mga bata karong pasko
makabalo lang gihapon nga mopahiyom kanimo

walay sipilyo ang ilang mga ngipon kay walay gikaon sa panihapon
walay laba ang ilang mga sapot kay walay tubig og sabon

basaha ang mensahe sa pasko diha sa ilang mga pahiyom
diha sa kabaho sa ilang mga ngipon nga morag baho sa mga tae diha sa mga kasilyas
diha sa mga buling sa ilang mga agtang nga dili mapapas sa ilang mga singot


pamatia kon unsa ang sugyot sa ilang mga pahiyom nga kon imong tilawan
sus ginoo, pagkapait, pagkahilaw
pagkaaslom nga dili gayod dayon masabot