ang akong shagit sa sinugdanan

dili ako ang balak
siya, siya ang balak

tan-awa ako.
hubo.
tan-awa siya
hubo usab.

siya ang balak
og ako kana
siya. kaming duha.

tan-awa ang akong
duha ka paa
lig-on

luhod kanako
himoa ako nga imong diyosdiyos
hagki ang akong mga tiil

tindog. hagki ang akong mga ngabil
tupong ka na kanako

hawid sa akong hawak

karon tupong na kita.
ngabil sa ngabil.

dila sa dila.
tiyan sa tiyan

ubos sa ubos.
taas sa taas.

nagkahinigugmaay
na tang duha.

ihatag mo kanako
ang imong lawas

ako usab nga ihatag
ang akoa

nganong maulaw
man kita
sa bulan?

dili ba mao
man usab ang iyang
binuhatan?

lingkori ako
kan-a ang akong
mga ngabil

tunla ang akong
kalag

sud sa imong init
nga gininhawa

usa na kita.
walay mga anino.

gibilin ang atong
mga sapot
sa kilid sa pultahan

hubo kita
niining atong gugma

sala sa sala.
grasya kon grasya.

puslan man.
kita na kini.