ang akong gusto

ang akong gusto simple lang
kanang dili ka malibog kon unsa gayod ang akong gusto
kanang mao na na kon unsa ang akong gihunahuna mao usab kana
ang akong isulti diha kanimo
dili na kinahanglan nga mamati ka pa sa kahilom
o magpalaban ka sa akong pahiyom
dili na kinahanglan nga magpaaso ka pa
sa ibabaw sa insenso aron sultian ka sa mga diyos og diyosa
kon unsa ang akong gusto
dili na kinahanglan nga magtuob pa ta og tapol nga tawas
sagolan sa lana
o magpatindog pa og puti kaayong itlog
aron nimo matagna kon unsa ang akong gusto


ikaw lang ang akong gusto
og gani dili na kini kinahanglan isulti ko pa kanimo
kay sayod ka
wala nay laing molingi pa kanako
ikaw lang
ikaw lang usab gihapon

hala balik sa balay

ibalik sa atong aparador ang imong mga sinina
karsones, blazer, turban, panty, shorts, bikini, t-back, og kadtong akong brief nga imong siging umangon
og kadtong imong mga kutsara og tinidor
og mga plato og yahong

kay manihapon na ta.