mga magsoon

pareho ra man unta
og ginikanan
dungan og pangadagko
sa parehong balay
og mga nataran
bisan pareho ra
og kadak-on
og mga maong
nga karsones
og mga puti
nga t-shirt
apan dili na
nako ikatingala
nga lahi jud
gihapon ang
mga panglantaw
naay naglantaw
sa ubos sa dagat
naay naglantaw
sa layo nga baybayon
naay naghinuktok
naay naglantaw
sa naglantaw

sakto gayod si
papa, wala magtupong
ang atong mga tudlo
og mga kumagko
bisan og nagtubo
kini tapot diha
sa atong mga kamot
og mga tiil