pagkagamhanan ba gayod
sa imong balak
kabahin sa kalayo
nga sa pagsugod pa lang nimog sulat
kabahin sa pagduslit sa usa ka posporo
sa gaundok nga mga papel
diha sa kilid sa imong mga tiil
sa walay paglangan ang imong amigo
nga nagbasa sa pipila lang ka pagduso
sa mga pulong
mihirit dayon kinig tawag
sa mga bombero
og anaa nagubot intawon
ang tibook lungsod
kay kuno adunay
dakong sunog
ikaw ang nalisang
sa iyang pagka.....!
sus di na lang
basin og mahiubos
pa unya.
No comments:
Post a Comment