mY secreT ponD

niadtong buntag
nga gusto kong makigdula nimo
mibalibad ka
nasuko pa gani
og imong gibunalan ang akong
dulaan didto sa nataran
sa among balay

nagdula na lang ko nga ako ra usa
nagshatong
ako ra ang midagan og
miutong

nagtan-aw ra ka
og nagkatawa
nagtam-os sa
imong lollipop

karong hapon
sa dihang ako
nagkabulingit na
og nanimaho na kong
singot nga nangauga

nanghagit ka
nga magdula
og tago-tago

gitawag na man
ko ni nanay
kay maligo na
kay ngitngit na
og mangadye
pa mi sa among
balay

lami unta tong
magdula tang
duha og shatong

dili na noon ko
bisag lami pod
unta ang tagotago
og balaybalay

kadtong ako ang tatay
og ikaw ang nanay

apan dili na
gyod mahimo

kaw man god
maldita man god
ka kaayo

na tan-awa
gamingaw na
noon ka
karon