kon magkuyog na gani
ang katigulangon
ang kapobrehon
ang kakunot sa mga kamot
ang pagkurog sa mga tiil
ang kaluya sa utok
ang kabulingon sa agtang
hangtod na sa tuhod
kon magkuyog na gani ang kamingaw
og mga kahiubos
og ilamog pa ang mga kapungot
og mga kaligotgot
kon magduyog na gani ang kagot
sa mga ngipon og
ang pagwitik nga tingog sa
mga tudlo
haskang dimalasa na gayod sa imong kinabuhi
mas maayo pag mamatay
na lang silang tanang
mga litse, mga peste,
mga jawa, mga demonyo, mga hudas,
mga letsugas, mga satanas!
No comments:
Post a Comment